UR VEAJ ER RAGISTOR
Gwechall-gozh e oa ur paotr, Ahu e anv, ganet mougn.
Ne c’helle ket chaseal na mont d’ar brezel evel ar baotred all. Maleürus e oa ! Kavout a raio an doare da vezañ digemeret mat gant ar re all. Gwelet e vez, er pezh-c’hoari, petra e oa ar vuhez ugent mil bloaz ‘zo.
Gwelet e vez penaos e c’hell, en dervezh a hirio ivez, ar re nammet (ampechet), bevañ asambles gant an dud all.
Ur pezh-c’hoari nevez gant Ar Vro Bagan evit ar vugale etre 6 vloaz ha 13 vloaz. E brezhoneg e c’hell bezañ c’hoariet hag e galleg ivez.
