Hag a-nevez
Stajoù c’hoariva evit ar vugale
E brezhoneg pe e galleg, etre 6 ha 10 vloaz
Plougerne
Lun 21, Meurzh 22, Yaou 24 ha Gwener 25 a viz Here 2024
E brezhoneg : 10e30-12e
E galleg : 14e-15e30
Dizoloiñ ar c’hoariva ha kaout plijadur e-leizh !
Un doare plijus da labourat er spas, gant e gorf, e vouezh… Bezañ war al leurenn, komz kreñv ha distagañ mat, c’hoari gant ur strollad ha dizoloiñ perzhioù a bep seurt ! Deskiñ ur pezh-c’hoari berr hag a vo c’hoariet dirak an dud (familh, mignoned…).
Mont a raio kuit
Loperc’hed – Trimaran – D’ar sul 24 a viz Du 2024
Istor un den klañv gant ar c’hleñved Skizofrenia, ur gudenn eus an deiz a hiriv, talvoudus ivez evit ar re yaouank.
Mont a raio kuit a gont istor un den yaouank er bloavezhioù 1990, klañvet trumm diwar ar c’hleñved skizofreni pa oa 18 vloaz hag en em zistrujet seizh vloaz war-lerc’h. Savet diwar un istor gwir, ar pezh-c’hoari fromus-se a c’hellfe sikour an arvesterien yaouank hag o familhoù da gompren gwelloc’h an dud klañv o spered ha darev d’en em zistrujañ. Skrivet ha leurenniet gant Goulc’han Kervella. Sonerezh gant Tangi Le Gall-Carré, soner akordeoñs ha sonaozour.
Ar Beñseerien
Les Naufrageurs
Kerlouan – Meneham : D’ar merc’her 23 ha 30 a viz Here 2024, da 3e30
Ur pezh-c’hoari fromus ha farsus war ar memes tro, savet diwar oberenn Tangi Malmanche.
Un toullad bugale a zo deuet da bourmen e Meneham e 1954. Dres d’ar mare-se emañ ur skipailh o sevel ur film er gêriadenn : pedet eo ar vugale da c’hoari ennañ. O filmañ ar pezh-c’hoari Ar Baganiz emaer. E 1681 e tremen istor Ar Baganiz : gwall-amzer a zo, ul lestr saoz a zo en argoll. Petra a raio ar Baganiz, mitio ?
Staj c’hoariva evit ar grennarded
Adalek 11 vloaz, e Plougerne
Plougerne
Lun 21, Meurzh 22, ha Yaou 24 a viz Here 2024
E brezhoneg : Etre 10eur ha kreisteiz
Dizoloiñ ar c’hoariva ha kaout plijadur e-leizh !
Strollad Ar Vro Bagan a ginnigo deoc’h ur staj c’hoariva evit ar grennarded etre 11 ha 17 vloaz war 3 devezh. Deskiñ ur pezh-c’hoari berr hag a vo c’hoariet dirak an dud (familh, mignoned…)
Strollad Ar Vro Bagan zo ur strollad c’hoariva e brezhoneg, gant pezhioù-c’hoari divyezhek (galleg-brezhoneg). Ur gevredigezh (lezenn 1901) eo, gant tud a vicher o labourat eno. Alies e labouront ivez gant labourerien kog-diskrog evit pezhioù-c’hoari. Daou c’hant ezel a gemer perzh er gevredigezh, tud a vicher kerkoulz a tud a youl vat tro-dro d’ar c’hoariva ha sevenadur Breizh.
Evit pep seurt tud e vez krouet pezhioù c’hoari gant Ar Vro Bagan, ar vugale koulz hag ar re gozh. C’hoariet e vez gant Ar Vro Bagan e pep lec’h e Breizh, war ar maezh koulz hag er c’hêrioù, er skolioù, salioù, tiez ar retreidi hag ivez er maez en hañv evit ar pezhioù c’hoari tan ha kurun war vord ar mor pe evit festivalioù. E Breizh a-bezh e vez c’hoariet gant Ar Vro Bagan, dreist-holl e-lec’h a vez komzet brezhoneg, met ivez en diavaezh eus Breizh gant ar pezhioù-c’hoari evit ar vugale.
Goulc’han Kervella, leurenner
